ਦੋਸਤੋ! ਇਹ ਸੂਚਨਾ ਆਰਸੀ ਲਈ ਰਵਿੰਦਰ ਰਵੀ ਸਾਹਿਬ ਵੱਲੋਂ ਭੇਜੀ ਗਈ ਹੈ।-----
ਕੈਨੇਡੀਅਨ ਪੰਜਾਬੀ ਕਵੀ ਚਰਨ ਸਿੰਘ ਨੂੰ ਲੰਮੀ ਕਵਿਤਾ:"ਆਧੁਨਿਕ ਵਿਸ਼ਵ" ਲਈ ੨੦੧੧ ਦਾ ਇਆਪਾ ਪੁਰਸਕਾਰ – ਪ੍ਰੈੱਸ ਰਿਲੀਜ਼
------
ਇੰਟਰਨੈਸ਼ਨਲ ਐਸੋਸੀਏਸ਼ਨ ਆਫ ਪੰਜਾਬੀ ਆਥਰਜ਼ ਐਂਡ ਆਰਟਿਸਟਸ (ਇਆਪਾ), ਕੈਨੇਡਾ, ਨੇ ਸਾਲ ੨੦੧੧ ਲਈ, ਕੈਨੇਡੀਅਨ ਆਧੁਨਿਕ ਪੰਜਾਬੀ ਕਵੀ ਚਰਨ ਸਿੰਘ ਨੂੰ, ਉਸਦੀ ਲੰਮੀ ਕਵਿਤਾ ਦੀ ਸਿਰਮੌਰ ਪੁਸਤਕ: "ਆਧੁਨਿਕ ਵਿਸ਼ਵ"(੨੦੧੧) ਲਈ ਅਤੇ ਉਸਦੀ ੩੦ ਕੁ ਸਾਲਾਂ ਦੀ ਨਿਰੰਤਰ ਕਾਵਿ-ਸਾਧਨਾ ਤੇ ਸਮੁੱਚੀ ਕਾਵਿ-ਪ੍ਰਾਪਤੀ ਲਈ, ਪ੍ਰੋ. ਪਿਆਰਾ ਸਿੰਘ ਗਿੱਲ ਤੇ ਕਰਮ ਸਿੰਘ ਸੰਧੂ ਯਾਦਗਾਰੀ ਅੰਤਰਰਾਸ਼ਟਰੀ ਸ਼੍ਰੋਮਣੀ ਕਵੀ ਪੁਰਸਕਾਰ ਨਾਲ ਸਨਮਾਨਣ ਦਾ ਫੈਸਲਾ ਕੀਤਾ ਹੈ।
------
ਚਰਨ ਸਿੰਘ ਦੀ ਇਹ ਲੰਮੀ ਕਵਿਤਾ ਅਜੋਕੇ ਆਧੁਨਿਕ ਵਿਸ਼ਵ ਨੂੰ ਨਵੇਂ ਸਿਰਿਓਂ ਪਰਿਭਾਸ਼ਤ ਕਰਦੀ ਹੋਈ ਇਸ ਨੂੰ ਨਵੀਆਂ ਦਿਸ਼ਾਵਾਂ ਪ੍ਰਦਾਨ ਕਰਦੀ ਹੈ। ਲੰਮੀ ਕਵਿਤਾ ਦੇ ਖੇਤਰ ਵਿਚ ਚਰਨ ਸਿੰਘ, ਡਾ. ਹਰਿਭਜਨ ਸਿੰਘ, ਡਾ. ਜਸਵੰਤ ਸਿੰਘ ਨੇਕੀ ਤੇ ਅਜਾਇਬ ਕਮਲ ਦੀ ਪਰੰਪਰਾ ਨੂੰ ਅੱਗੇ ਤੋਰਦਾ ਹੋਇਆ, ਇਸ ਨੂੰ ਨਵੀਆਂ ਦਿਸ਼ਾਵਾਂ ਪ੍ਰਦਾਨ ਕਰਦਾ ਹੈ। ਉਸ ਦੀ ਸਮੁੱਚੀ ਕਵਿਤਾ ਅਸਤਿਤਵੀ ਸਰੋਕਾਰਾਂ ਦੇ ਚੱਕ੍ਰਵਯੂਹ ਵਿਚ ਘਿਰੇ ਹੋਏ ਅਜੋਕੇ ਉੱਤਰ-ਆਧੁਨਿਕ ਮਾਨਵ ਦੀਆਂ, ਬਹੁਮੁਖੀ, ਬਹੁ-ਸਤਰੀ ਤੇ ਬਹੁ-ਦਿਸ਼ਾਵੀ ਵਿਡੰਬਨਾਵਾਂ ਤੇ ਸੰਭਾਵਨਾਵਾਂ ਉੱਤੇ, ਡੂੰਘੀ ਝਾਤ ਮਾਰਨ ਵਾਲੀ ਲਾਸਾਨੀ ਰਚਨਾ ਹੈ।
------
ਚਰਨ ਸਿੰਘ, ੧੬ ਉਤਕ੍ਰਿਸ਼ਟ ਕਾਵਿ-ਪੁਸਤਕਾਂ ਦੇ ਪ੍ਰਕਾਸ਼ਨ ਦੁਆਰਾ , ਅਜੋਕੀ ਨਵੀਂ ਪੀੜ੍ਹੀ ਦੇ ਗਲੋਬਲ ਚੇਤਨਾ ਵਾਲੇ ਵਿਲੱਖਣ ਤੇ ਪ੍ਰਤਿਨਿਧ ਪਰਵਾਸੀ ਪੰਜਾਬੀ ਕਵੀ ਵਜੋਂ, ਪਹਿਲਾਂ ਹੀ, ਆਪਣੀ ਵੱਖਰੀ ਪਛਾਣ ਬਣਾ ਚੁੱਕਾ ਹੈ! "ਮਿੱਟੀ 'ਚ ਉੱਕਰੇ ਅੱਖਰ", "ਸ਼ੂਨਯ-ਬੋਧ", "ਆਪੇ ਬੋਲ ਸ੍ਰੋਤ", "ਗਗਨ ਮੈਂ ਥਾਲ", "ਅੰਤਰੀਵ", "ਸ਼ੀਸ਼ੇ ਵਿਚਲਾ ਸੂਰਜ", ਰੁੱਖ ਤੇ ਜੰਗਲ", "ਤੁਪਕਾ ਤੁਪਕਾ ਸੂਰਜ", "ਮੁੜ੍ਹਕੋ ਮੁੜ੍ਹਕੀ ਪੌਣ", "ਪ੍ਰਕਰਮਾਂ" ਤੇ "ਵਿਪ੍ਰੀਤ" ਆਦਿ ਉਸਦੇ ਪ੍ਰਸਿੱਧ ਕਾਵਿ-ਸੰਗ੍ਰਹਿ ਹਨ। ਆਪਣੀ ਨਿਰੰਤਰ ਤੇ ਉੱਚ ਪਾਏ ਦੀ ਕਾਵਿ-ਸਾਧਨਾ ਲਈ, ਚਰਨ ਸਿੰਘ, ਕੈਨੇਡਾ ਵਿਚ ਕਈ ਮਾਨ ਸਨਮਾਨ ਵੀ ਪ੍ਰਾਪਤ ਕਰ ਚੁੱਕਾ ਹੈ। ਇਆਪਾ ਵਲੋਂ ਛੇਤੀ ਹੀ ਚਰਨ ਸਿੰਘ ਦਾ, ਇਸ ਪੁਰਸਕਾਰ ਨਾਲ, ਕੈਨੇਡਾ ਵਿਚ, ਅਭਿਨੰਦਨ ਕੀਤਾ ਜਾਵੇਗਾ।
------
ਯਾਦ ਰਹੇ ਕਿ ਇਆਪਾ ਦੀ ਸਥਾਪਨਾ ੧੯੭੮ ਵਿਚ ਕੀਤੀ ਗਈ ਸੀ ਤੇ ਇਸ ਦਾ ਪਹਿਲਾ ਪੁਰਸਕਾਰ ੧੯੮੦ ਵਿਚ ਪੰਜਾਬੀ ਸਾਹਿਤ ਦੇ ਬਾਬਾ ਬੋਹੜ ਸੰਤ ਸਿੰਘ ਸੇਖੋਂ ਨੂੰ ਦਿੱਤਾ ਗਿਆ ਸੀ! ਇਆਪਾ ਵਲੋਂ ਹੁਣ ਤੱਕ, ਵਿਸ਼ਵ ਭਰ ਦੇ ੧੦ ਦੇਸ਼ਾਂ ਵਿਚ ਵੱਸਦੇ ੪੬ ਲੇਖਕਾਂ, ਕਲਾਕਾਰਾਂ, ਰੰਗਕਰਮੀਆਂ ਤੇ ਪੱਤਰਕਾਰਾਂ ਨੂੰ ਇਨ੍ਹਾਂ ਪੁਰਸਕਾਰਾਂ ਨਾਲ ਸਨਮਾਨਤ ਕੀਤਾ ਜਾ ਚੁੱਕਾ ਹੈ। ੧੯੮੧ ਵਿਚ ਇਆਪਾ ਵਲੋਂ ਹੀ ੧੨ ਦੇਸ਼ਾਂ ਵਿਚ ਵਸਦੇ ੧੦੦ ਪੰਜਾਬੀ ਸਾਹਿਤਕਾਰਾਂ ਦੀਆਂ ਰਚਨਾਵਾਂ ਨੂੰ, ੪੪੦ ਪੰਨਿਆਂ ਦੀ, "ਵਿਸ਼ਵ ਪੰਜਾਬੀ ਸਾਹਿਤ" ਨਾਮ ਦੀ ਪੁਸਤਕ ਵਿਚ, ਸੰਗ੍ਰਹਿ-ਬੱਧ ਕਰਕੇ, ਰਵੀ ਸਾਹਿਤ ਪ੍ਰਕਾਸ਼ਨ, ਅੰਮ੍ਰਿਤਸਰ, ਕੋਲੋਂ ਪ੍ਰਕਾਸ਼ਤ ਕਰਵਾਇਆ ਸੀ। ਰਵਿੰਦਰ ਰਵੀ ਦੁਆਰਾ ਸੰਪਾਦਿਤ, ਵਿਸ਼ਵ ਭਰ ਵਿਚ, ਆਪਣੀ ਕਿਸਮ ਦੀ ਇਹ ਪਹਿਲੀ ਪੁਸਤਕ ਹੈ। ਇਆਪਾ ਵਲੋਂ ਹੁਣ ਤਕ ਦਿੱਤੇ ਗਏ ਪੁਰਸਕਾਰਾਂ ਦੀ ਸੂਚੀ, ਹਵਾਲੇ ਲਈ, ਨਾਲ ਨੱਥੀ ਕੀਤੀ ਜਾ ਰਹੀ ਹੈ।
ਰਵਿੰਦਰ ਰਵੀ, ਪ੍ਰਧਾਨ
I.A.P.A.A. Awards
The following authors, journalists and artists were honoured with Prof. Piara Singh Gill & Karam Singh Sandhu Memorial Antar-Rashtari Shiromani Sahitkaar/Kalakaar Award, by the IAPAA, since its inception in 1978.
1. Sant Singh Sekhon
2. Fakhar Zaman
3. Kartar Singh Duggal
4. Ajeet Cour
5. Dr. Surjit Singh Sethi
6. Dr. Dalip Kaur Tiwana
7. Amrita Pritam
8. Dr. Harcharan Singh
9. Afzal Ahsan Randhawa
10. Ajaib Kamal
11. Dr. Gurumel
12. Dev Switzerland 1986
13. Shivcharan Gill
14. Dr. Harbhajan Singh
15. Dr. Jasbir Singh Ahluwalia
16. Balwant Gargi
17. Tara Singh
18. Gulzar Singh Sandhu
19.
20. Dr. Tejwant Singh Gill
21. Amarjit Singh(Aks)
22. Tara Singh Hayer
23. Dr. Raghbir Singh(Sirjana)
24. Dr. Kulbir Singh Kaang
25. Dr. Prem Parkash Singh
26. Dr. Joginder Singh Puar
27. Dr. Manjitpal Kaur
28. Dr. Sutinder Singh Noor
29. Prof. Brahm Jagdish Singh
30. Dr. Amarjit Kaunke
31. Ilyas Ghumman
32. Amar Jyoti The
33. Dr. Akhtar Hussain Akhtar
34. Jasbir Bhullar India 2000
35. Ajit Rahi Australia 2000
36. Balihar Singh Randhawa
37. Harbhajan Singh Halwarwi India 2000
38. Avtar Joura India 2001
39. Dr. Manjit Singh India 2002
40. Rashad Hassan Rana Pakistan 2005
41. Prof. Ashiq Raheel Pakistan 2006
42. Dr. Vanita India 2007
43. Dr. Sahib Singh India 2008
44. Parminderjit India 2009
45. Kewal Dhaliwal India 2010
46. Manjit Meet Canada 2010
47. Gurdial Kanwal Canada 2010
48. Charan Singh Canada 2011
No comments:
Post a Comment